MARZU 2008

1 ta’ Marzu

• Parroċċa tal-Madonna tal-Karmnu, il-Balluta: Laqgħa u Quddiesa għall-irġiel u koppji Terzjarji Karmelitani fiċ-Ċentru Parrokkjali.

3 ta’ Marzu

• Knisja tal-Madonna tal-Ħerba, B’Kara: Laqgħa għat-Terzjarji Karmelitani: Fl-4.45pm Rużarju, Talb mir-Regula, Quddiesa u Konferenza.
• Parroċċa tal-Madonna tal-Grazzja, Ħaż-Żabbar: Fis-6.00pm Laqgħa għat-Terzjarji Karmelitani.
• Parroċċa tal-Madonna tal-Karmnu, il-Balluta: Laqgħa u Quddiesa għan-nisa Terzjarji Karmelitani fiċ-Ċentru Parrokkjali.

4 ta’ Marzu

• Kappella ta’ Santa Luċija, in-Naxxar: Laqgħa u Quddiesa għat-Terzjarji Karmelitani.
• Santwarju tal-Madonna tal-Karmnu, Valletta: Laqgħa għat-Terzjarji Karmelitani nisa.

5 ta’ Marzu

• Knisja Parrokkjali tal-Madonna tal-Karmnu, il-Gżira: Laqgħa u Quddiesa għat-Terzjarji Karmelitani.
• Knisja tal-Madonna s-Samra, il-Ħamrun: Fit-3.45pm Rużarju, Talb mir-Regula, Quddiesa u Konferenza għat-Terzjarji Karmelitani.
• Knisja tal-Madonna tal-Karmnu, l-Imdina: Fl-4.30pm Laqgħa għat-Terzjarji Karmelitani.
• Parroċċa ta’ Santa Katarina, iż-Żurrieq: Fil-5.00pm Laqgħa u Quddiesa għat-Terzjarji Karmelitani.
• Knisja Parrokkjali ta’ San Ġużepp, l-Imsida: Laqgħa għat-Terzjarji Karmelitani.
• Knisja Parrokkjali ta’ Santa Venera, Santa Venera: Fil-5.15pm Għasar, Konferenza, Rużarju u Quddiesa għat-Terzjarji Karmelitani.

6 ta’ Marzu

• Kappella ta’ Casa San Pietro, Ħal Lija: Fit-8.00am Laqgħa u Quddiesa għat-Terzjarji Karmelitani.

7 ta’ Marzu

• Knisja Parrokkjali Kolleġġjata ta’ San Pawl, ir-Rabat: Laqgħa għat-Terzjarji Karmelitani fl-Oratorju tal-Karmnu.

11 ta’ Marzu

• Parroċċa tal-Madonna tal-Karmnu, Fleur-de-lys: Laqgħa għat-Terzjarji Karmelitani.

14 ta' Marzu

• Il-Verġni Mqaddsa Marija tad-Duluri
Sa ftit żmien ilu fil-Kalendarju tal-Knisja Latina kien hemm żewġ festi tad-Duluri, waħda l-ġimgħa ta’ qabel Ħadd il-Palm u l-oħra fil-15 ta’ Settembru, it-tnejn magħrufin bħala l-festa tas-Seba’ Duluri tal-Verġni Marija. Illum fil-Kalendarju tal-Knisja hemm festa waħda, dik tal-15 ta’ Settembru. Minkejja dan f’pajjiżna, il-festa tad-Duluri, iċċelebrata l-Ġimgħa qabel Ħadd il-Palm, għadha festa popolari ħafna u xhieda mill-aqwa tar-reliġjożità popolari tan-nies tagħna.
Fl-1423 sinodu fil-belt ta’ Kolonja, fil-Ġermanja, iddekreta li tibda issir festa f’ġieħ il-“kompassjoni” tal-Verġni Marija bi tpattija għas-sagrileġġi magħmulin dak iż-żmien mill-Ussiti, u qrib tmiem is-seklu XV il-Papa Sistu IV ried li l-festa tissemma fil-Martiroloġju. Il-festa ma kinitx issir kullimkien fl-istess jum, iżda mbagħad, fl-1727, il-Papa Benedittu XIII ifissa l-ġurnata tal-festa għall-Ġimgħa ta’ qabel Ħadd il-Palm u ried li tkun magħrufa bħala l-festa tas-Seba’ Duluri tal-Verġni Marija.

15 ta’ Marzu

• Solennità ta’ San Ġużepp, Protettur prinċipali ta’ l-Ordni (flok fid-19 ta' Marzu li jaħbat fil-Ġimgħa Mqaddsa)
L-Evanġelu jgħid li San Ġużepp kien mill-familja ta’ David li minnha kellu jitwieled l-Messija (Mt 1,1-16; Lq 3,23-38). Bħal Ġużeppi tat-Testment il-Qadim, huwa l-bniedem ġust u fidil (Mt 1,19) li Alla qiegħdu biex jieħu ħsieb id-dar tiegħu. Ġużeppi, l-għarus ta’ Marija u missier putattiv ta’ Ġesù, mexxa l-familja mqaddsa fil-ħarba u fir-ritorn mill-Eġittu, u b’hekk għamel mill-ġdid il-vjaġġ li l-poplu Lhudi għamel fil-passat (Ġn 37; 50,22-26; Mt 2,13-21). Minħabba l-fidi kbira tiegħu stħaqqlu jkun afdat bil-wegħda li seħħet fil-misteru tas-salvazzjoni, fil-pjan ta’ mħabba li Alla l-Missier wettaq għall-bnedmin kollha.
Fil-Provinċja Karmelitana Maltija l-festa ta’ San Ġużepp hija ċċelebrata b'solennità mill-komunità tal-Belt fejn hemm Arċikonfraternità antika li ġġib ismu. Il-Beatu Nazju Falzon, devot kbir ta' San Ġużepp, kien spiss imur jitlob quddiem l-istatwa li hemm fil-knisja tal-Karmnu tal-Belt. (Ara 1, 2)

20 ta’ Marzu

• Tifkira tal-Beatu Franġisk ta’ Ġesù, Marija u Ġużeppi
Francisco Palau y Quer twieled fid-29 ta’ Diċembru 1811 f’Aytona (Spanja). Fl-1828 daħal fis-seminarju ta’ Lèrida, Spanja. Meta temm it-tlett snin ta’ studji filosofiċi u l-ewwel kors tat-teoloġija, fl-1832 daħal fl-Ordni tal-Karmelitani Skalzi fejn fis-sena ta’ wara għamel il-professjoni reliġjuża. Minħabba raġunijiet politiċi kellu jgħix għal xi żmien barra l-kunvent imma fl-1836 kien ordnat saċerdot f’Barbastro. Wara ħdax-il sena fi Franza (1840-1851) irritorna fi Spanja fejn iddedika l-ħidma tiegħu għall-predikazzjoni u għall-missjoni popolari b’mod partikluari f’Barċellona u fil-gzejjer Baleari. Kien hawn li fis-snin 1860-1861 ħa ħsieb jorganizza xi gruppi ta’ tfajliet fejn ta’ l-bidu ta’ żewġ kongregazzjonijiet tas-sorijiet. Miet f’Tarragona fl-20 ta’ Marzu 1872.

27 ta’ Marzu

• Parroċċa tal-Madonna tal-Karmnu, Fleur-de-lys: Irtir tax-xahar għat-Terzjarji Karmelitani f’waħda mill-knejjes tal-Parroċċa.

30 ta’ Marzu

• Fil-Knisja tal-Karmnu, l-Imdina, jiġi ċċelebrat Jum il-Vokazzjonijiet Karmelitani. Waqt din l-okkazjoni l-istudenti jaqsmu l-esperjenza vokazzjonali tagħhom ma' dawk preżenti.
• Santwarju tal-Madonna tal-Karmnu, Valletta: Laqgħa għat-Terzjarji Karmelitani rġiel.

31 ta’ Marzu

• Solennità tat-Tħabbira tal-Mulej (flok il-25 ta’ Marzu li jaħbat fil-ġimgħa ta' l-Għid il-Kbir)
Din il-festa tfakkar il-ġrajja ta’ meta l-anġlu Gabriel kien mibgħut għand Marija biex jgħidilha li kellha ssir Omm Alla, u wkoll it-tnissil tal-Verb fil-ġuf tagħha.
Għalkemm hemm min jaħseb li fis-seklu IV il-festa tat-Tħabbira tal-Mulej kienet diġà tiġi ċċelebrata fil-Palestina, m’għandna ebda tagħrif dwar din il-festa qabel is-seklu VII, meta l-Konċilju “in Trullo”, tas-sena 692, ried li l-festa ssir ukoll jekk tiġi f’xi ġurnata tar-Randan, minkejja dak li kien jgħid il-Konċilju ta’ Laodikija. Fis-seklu VII il-festa daħlet Ruma u minn hemm xterdet fil-knejjes tal-punent, fejn bdiet issir fil-25 ta’ Marzu, bħalma kienet issir fil-knejjes tal-lvant; iżda fi Spajna, l-għaxar Konċilju ta’ Toledo, fis-sena 656, ried li l-festa tiġi ċelebrata mhux fir-Randan iżda fil-ġimgħa ta’ qabel il-Milied, fit-18 ta’ Diċembru.
Meta l-festa bdiet tiġi ċċelebrata, kienet meqjusa festa tal-Mulej kif jixhdu l-ismijiet li għandha fid-dokumenti liturġiċi aktar antiki, iżda biż-żmien bidet titqies bħala festa tal-Madonna. Il-Kalendarju mġedded tal-Knisja Latina jerġa’ jqisha bħala festa tal-Mulej.
Għall-Provinċja Karmelitana Maltija minn dejjem kienet festa għaziza ħafna, infatti żewġ knejjes, dik tal-Lunzjata u dik ta’ l-Imdina, huma ddedikati għaliha.

© Provinċja Karmelitana Sant'Elija, Malta.
Webmaster | Homepage