QUDDIEM XBIEHA TA' ĠESÙ FIĊ-ĊELLA TIEGĦI

mill-Beatu Titu Brandsma, O.Carm.

         Ġesù,
         kull meta nħares lejk
         inħoss li tħobbni,
         li tqisni l-egħżeż fost il-ħbieb,
         u nħoss li nħobbok
         bħala l-akbar ġid li għandi.

         Jien naf, Mulej,
         li mħabbtek titlob kuraġġ u tbatija,
         iżda t-tbatija hi t-triq waħdanija
         li twassal fid-dija
         tal-glorja tiegħek.

         Mulej, jekk f'qalbi
         niket jiżdied ma' niket
         inqisu rigal sabiħ tiegħek,
         għaliex jagħmilni nixbhek
         u jgħaqqadni Miegħek.

         Ħallini waħdi f'din iċ-ċella kiesħa;
         m'għandi bżonn ħadd ħliefek,
         ma nibżax noqgħod waħdi
         għaliex, Int, ħdejja.

         Ibqa' hawn, Ġesù, tħallinix waħdi:
         kull fejn tgħix Int, Mulej,
         kollox ħafif... kollox sabiħ!

---

 

 

 

 

 

Kopja tat-talba originali miktuba minn P.Titu
fit-12 ta' Frar 1942,
fil-ħabs ta' Scheveningen.