Provinċja Karmelitana Sant'Elija, Malta

IR-RUŻARJU

Il-Misteri tal-Ferħ

(Jingħadu nhar ta’ Tnejn u nhar ta’ Sibt)

1. Meta l-Anġlu Gabrijel ħabbar lil Sidtna Marija li kellha tkun Omm Alla.
2. Meta Sidtna Marija marret iżżur lill-qariba tagħha Santa Eliżabetta.
3. Meta Sidna Ġesù Kristu twieled fil-għar ta' Betlehem.
4. Meta Sidtna Marija ppreżentat lil Binha Ġesù fit-Tempju.
5. Meta Sidtna Marija tilfet lil Binha Ġesù u wara tlett ijiem sabitu fit-Tempju jiddisputa mad-dutturi.

Il-Misteri tad-Dawl

(Jingħadu nhar ta’ Ħamis)

1. Meta Sidna Ġesù Kristu tgħammed fix-Xmara Ġordan.
2. Meta Sidna Ġesù Kristu wera min hu fit-tieġ ta' Kana.
3. Meta Sidna Ġesù Kristu ħabbar is-Saltna ta' Alla u sejjaħ għall-indiema.
4. Meta Sidna Ġesù Kristu tbiddel quddiem l-Appostli fuq il-muntanja Tabor.
5. Meta Sidna Ġesù Kristu waqqaf l-Ewkaristija, it-tifkira tal-Misteru ta' l-Għid.

Il-Misteri tat-Tbatija

(Jingħadu nhar ta’ Tlieta u nhar ta’ Ġimgħa)

1. Meta Sidna Ġesù Kristu għamel l-orazzjoni fl-ort u għereq l-għaraq tad-demm.
2. Meta Sidna Ġesù Kristu kien marbut mal-kolonna u flaġellawh.
3. Meta Sidna Ġesù Kristu kien inkurunat bix-xewk.
4. Meta Sidna Ġesù Kristu kien mgħobbi bis-salib mingħand Pilatu sal-Kalvarju.
5. Meta Sidna Ġesù Kristu kien mislub fuq is-salib u wara tliet sigħat ta' agunija miet.

Il-Misteri tal-Glorja

(Jingħadu nhar ta’ Erbgħa u nhar ta’ Ħadd)

1. Meta Sidna Ġesù Kristu qam minn bejn l-imwiet.
2. Meta Sidna Ġesù Kristu tela' s-sema.
3. Meta Sidna Ġesù Kristu bagħat l-Ispirtu s-Santu fuq l-Appostli.
4. Meta Sidtna Marija ġiet imtella' s-sema bir-ruħ u l-ġisem.
5. Meta Sidtna Marija ġiet inkurunata mit-Trinita' Mqaddsa.

Bidu tar-Rużarju

Fl-isem tal-Missier, u ta' l-Iben, u ta' l-Ispirtu s-Santu. Amen.
Alla tagħna, isma' t-talb tagħna, eħles għinna u ieqaf magħna.

Glorja lill-Missier, u lill-Iben u lill-Ispirtu s-Santu.
Kif kien mill-bidu, issa u dejjem, u jibqa' għal dejjem ta' dejjem. Amen.

Marija Santissima, uri li inti Ommna; għalik jisma' t-talb tagħna;
Ġesù li twieled għalina u ried ikun Ibnek bħalna.

O Ġesù tiegħi, aħfrilna dnubietna, ħarisna min-nar ta' l-Infern;
ħu l-Ġenna l-erwieħ kollha, u għin lil dawk li l-aktar jenħtieġu l-ħniena tiegħek.

Nikkonsidraw nikkontemplaw meta .......

Missierna, 10 Slimiet u Glorja.

Marija Santissima, uri li inti Ommna; ......
O Ġesù tiegħi, aħfrilna dnubietna, .......

Fi tmiem il-ħames posti tar-ruzarju, tingħad:
- is-Salve Regina,
- Missierna, Sliema u Glorja skond il-fehma tal-Papa,
- Missierna, Sliema u "Agħtihom, O Mulej ....." għall-Erwieħ
tal-Purgatorju,
- il-Litanija u t-talba ta' l-għeluq.

Litanija - 1

Mulej, ħniena	Mulej, ħniena
Kristu, ħniena	Kristu, ħniena
Mulej, ħniena	Mulej, ħniena
Kristu, ismagħna	Kristu, ismagħna
Kristu, ilqa' t-talb tagħna	Kristu, ilqa' t-talb tagħna
Missier Etern Alla	Ħenn għalina
Iben Alla li fdejt id-dinja	Ħenn għalina
Spirtu Mqaddes Alla	Ħenn għalina
Trinita' Mqaddsa Alla wieħed	Ħenn għalina

Imqaddsa Marija	Itlob għalina
Imqaddsa Omm Alla	Itlob għalina
Imqaddsa xebba tax-xbejbiet	Itlob għalina

Omm ta' Kristu	Itlob għalina
Omm il-Knisja	Itlob għalina
Omm tal-grazzja t'Alla	Itlob għalina
Omm l-iżjed safja	Itlob għalina
Omm l-iżjed nadifa	Itlob għalina
Omm u xebba	Itlob għalina
Omm bla tebgħa	Itlob għalina
Omm li tistħoqq l-imħabba	Itlob għalina
Omm tal-għaġeb	Itlob għalina
Omm tal-parir it-tajjeb	Itlob għalina
Omm ta' min ħalaqna	Itlob għalina
Omm ta' min salvana	Itlob għalina
Omm u ġmiel tal-Karmelu	Itlob għalina
Xebba kollok għaqal	Itlob għalina
Xebba li tistħoqq kull qima	Itlob għalina
Xebba li tistħoqq kull foħrija	Itlob għalina
Xebba kollok setgħa	Itlob għalina
Xebba kollok ħniena	Itlob għalina
Xebba dejjem marbuta ma' Alla	Itlob għalina
Xebba fjur tal-Karmelu	Itlob għalina
Mera tal-qdusija	Itlob għalina
Tron tal-għerf	Itlob għalina
Bidu tal-ferħ tagħna	Itlob għalina
Għamara ta' l-Ispirtu s-Santu	Itlob għalina
Għamara ta' kull grazzja	Itlob għalina
Għamara ta' kull tjieba	Itlob għalina
Warda mistika	Itlob għalina
Torri ta' David	Itlob għalina
Torri ta' l-avorju	Itlob għalina
Dar tad-deheb	Itlob għalina
Arka tar-Rabta l-Ġdida	Itlob għalina
Bieb tas-sema	Itlob għalina
Kewkba ta' filgħodu	Itlob għalina
Saħħa tal-morda	Itlob għalina
Kenn tal-midinbin	Itlob għalina
Faraġ ta' l-imniktin	Itlob għalina
Għajnuna ta' l-insara	Itlob għalina
Patruna tal-Karmelitani	Itlob għalina
Sultana ta' l-Anġli	Itlob għalina
Sultana tal-Patrijarki	Itlob għalina
Sultana tal-Profeti	Itlob għalina
Sultana ta' l-Appostli	Itlob għalina
Sultana tal-Martri	Itlob għalina
Sultana tal-Konfessuri	Itlob għalina
Sultana tal-Verġni	Itlob għalina
Sultana tal-Qaddisin kollha	Itlob għalina
Sultana mnissla mingħajr l-ewwel tebgħa	Itlob għalina
Sultana mtellgħa s-sema	Itlob għalina
Sultana tar-Ruzarju Mqaddes	Itlob għalina
Sultana tal-Paċi	Itlob għalina
Tama tal-Karmelitani kollha	Itlob għalina

Ħaruf t'Alla li tneħħi d-dnubiet tad-dinja,
         Aħfrilna, nitolbuk Mulej.
Ħaruf t'Alla li tneħħi d-dnubiet tad-dinja,
         Ismagħna, nitolbuk Mulej.
Ħaruf t'Alla li tneħħi d-dnubiet tad-dinja,
         Ħenn għalina.

Talba

(matul is-sena)
O Alla, int ridt li mat-tħabbira ta' l-Anġlu, l-Iben tiegħek isir bniedem fil-ġuf tal-Verġni Mqaddsa Marija, agħtina nitolbuk, lilna li nistqarruha Omm Alla, li nkunu megħjunin mit-talb tagħha. Bl-istess Kristu Sidna. Amen.

(fi zmien l-Għid)
O Alla, li bil-qawmien mill-imwiet ta' Ibnek Ġesù Kristu Sidna, għogbok tferraħ id-dinja; agħtina nitolbuk li b'Ommu l-Verġni Marija, niksbu l-ferħ tal-ħajja ta' dejjem. Bi Kristu Sidna. Amen.

Litanija - 2

Mulej, ħniena	Mulej, ħniena
Kristu, ħniena	Kristu, ħniena
Mulej, ħniena	Mulej, ħniena
Omm Alla	Itlob għalina
Omm il-Kelma	Itlob għalina
Omm dawk kollha li jemmnu	Itlob għalina
Omm il-Karmelu	Itlob għalina
Verġni mdella mill-Ispirtu	Itlob għalina
Verġni ta' qalb ġdida	Itlob għalina
Verġni l-aktar safja	Itlob għalina
Verġni li żżomm il-Kelma f'qalbha	Itlob għalina
Verġni li tfittex 'l Għerf	Itlob għalina
Verġni mgħallma mill-Għerf	Itlob għalina
Mara ferħana fil-Qawmien ta' Binha	Itlob għalina
Mara li titlob	Itlob għalina
Mara li tgħix f'nofs ħutha	Itlob għalina
Mara li ġġib il-għaqda	Itlob għalina
Mara attenta għall-ħtiġijiet tagħna	Itlob għalina
Dixxiplu tal-Mulej	Itlob għalina
Dixxiplu tal-Għerf	Itlob għalina
Arka tas-Salvazzjoni	Itlob għalina
Xbieha tal-Knisja	Itlob għalina
Xbieha perfetta tal-Karmelu	Itlob għalina
Oħtna fit-triq tal-fidi	Itlob għalina
Għalliema tal-fiduċja f'Ġesù	Itlob għalina
Għalliema tal-imħabba fraterna	Itlob għalina
Għalliema fil-qadi ta' xulxin	Itlob għalina
Patruna tal-Karmelitani	Itlob għalina

Ħaruf ta' Alla li twelidt minn Marija	Ħenn għalina
Ħaruf ta' Alla li twelidt minn Marija	Ħenn għalina
Ħaruf ta' Alla li twelidt minn Marija	Agħtina l-paci

Talba

O Alla, li zejjint lill-Ordni tal-Karmelu bl-isem glorjuz ta' l-Imqaddsa Verġni Marija, Omm Ibnek, agħtina li, mirfudin bil-għajnuna tagħha, naslu sal-quċċata ta' l-għolja li hu Kristu l-Mulej Alla, li miegħek igħix u jsaltan flimkien ma' l-Ispirtu s-Santu, għal dejjem ta' dejjem. Amen.

Litanija - 3

Mulej, ħniena	Mulej, ħniena
Kristu, ħniena	Kristu, ħniena
Mulej, ħniena	Mulej, ħniena
Missierna, li inti fis-smewwiet, Alla tagħna	Ħenn għalina
Iben, Feddej tad-dinja, Alla tagħna	Ħenn għalina
Spirtu Qaddis, Alla tagħna	Ħenn għalina
Trinita' Qaddisa, Alla wieħed	Ħenn għalina
Imqaddsa Marija	Itlob għalina
Imqaddsa Omm Alla	Itlob għalina
Omm ta' Kristu	Itlob għalina
Omm u Verġni	Itlob għalina
Omm li tistħoqq l-imħabba	Itlob għalina
Omm l-aktar ħelwa	Itlob għalina
Omm u Sinjura tal-Karmelu	Itlob għalina
Omm li tisma' lil uliedha	Itlob għalina
Omm li tħenn għal uliedha	Itlob għalina
Omm li tfarraġna f'dan l-eżilju	Itlob għalina
Omm li tħarisna fis-siegħa ta' mewtna	Itlob għalina
Verġni l-aktar safja	Itlob għalina
Verġni Immakulata	Itlob għalina
Verġni li tisma' l-Kelma t'Alla	Itlob għalina
Verġni Karmelitana	Itlob għalina
Patruna ħelwa tagħna	Itlob għalina
Protettriċi qawwija tagħna	Itlob għalina
Oħtna għaziza Għalliema għarfa tagħna	Itlob għalina
Kewkba mistika tal-Karmelu	Itlob għalina
Fjur tal-Karmelu	Itlob għalina
Dielja għammiela	Itlob għalina
Dija tas-sema	Itlob għalina
Kewkba tal-baħar	Itlob għalina
Dawl fil-lejl tar-ruħ	Itlob għalina
Xitla ta' Ġesse	Itlob għalina
Ġilju qalb ix-xewk	Itlob għalina
Art fejn jgħmmar Alla	Itlob għalina
Mimlija bil-grazzja	Itlob għalina
Għarusa magħżula t'Alla	Itlob għalina
Għamara ta' l-Iben t'Alla	Itlob għalina
Triq li twassalna l-ġenna	Itlob għalina
Gwida li twassalna għand Kristu	Itlob għalina
Bieb u muftieħ tas-sema	Itlob għalina
Ġmiel tal-Karmelu	Itlob għalina
Warda mfewwħa	Itlob għalina
Mudell tal-Karmelitani	Itlob għalina
Mudell tal-kontemplattivi	Itlob għalina
Xita li ssaqqi l-art bil-għatx	Itlob għalina
Sħaba ċkejkna tielgħa mill-bahar	Itlob għalina
Armatura kontra l-qawwa tal-ħażen	Itlob għalina
Tarka tas-salvazzjoni	Itlob għalina
Elmu tat-tama	Itlob għalina
Mediċina għad-dnub tagħna	Itlob għalina
Avukata tagħna	Itlob għalina
Qawwa tagħna kontra l-ħbit ta' l-għadu	Itlob għalina
Sultana tal-qaddisin Karmelitani	Itlob għalina
Sultana tal-martri Karmelitani	Itlob għalina
Sultana tal-mistiċi Karmelitani	Itlob għalina
Sultana tal-ħolqien kollu	Itlob għalina

Ħaruf t'Alla li tneħħi d-dnubiet tad-dinja,
     Aħfrilna, nitolbuk Mulej.
Ħaruf t'Alla li tneħħi d-dnubiet tad-dinja,
     Ismagħna, nitolbuk Mulej.
Ħaruf t'Alla li tneħħi d-dnubiet tad-dinja,
     Ħenn għalina.

Talba

Ikunilna ta' għajnuna, nitolbuk, Mulej, it-talb tal-glorjuża Verġni Marija, Omm u Sultana tal-Karmelu, biex, bil-għajnuna tal-ħarsien tagħha, jistħoqqilna naslu għand Kristu, li hu l-perfezzjoni vera tagħna. Li hu Alla, u miegħek igħix u jsaltan, flimkien ma' l-Ispirtu s-Santu, għal dejjem ta' dejjem. Amen.

Talb u Qima

Devozzjonijiet

IR-RUŻARJU

© Provinċja Karmelitana Sant'Elija, Malta.
Webmaster | Homepage

Talb u Qima

Devozzjonijiet

IR-RUŻARJU

© Provinċja Karmelitana Sant'Elija, Malta. Webmaster | Homepage

© Provinċja Karmelitana Sant'Elija, Malta.
Webmaster | Homepage